Միկոդերիլ 1% 20մլ

Միկոդերիլ 1% լուծույթն արտաքին կիրառման համար ցուցված է հետևյալ պայմաններում: - Մաշկի հարթ մակերեսի և մաշկի ծալքերի սնկային վարակներ (tinea corporis, tinea inquinalis): - Միջմատնյա միկոզներ (tinea manum, tinea pedum): - Եղունգների սնկային վարակներ (օնիխոմիկոզներ): - Մաշկի կանդիդոզ: - Բազմագույն որքին: - Բորբոքային դերմատոմիկոզներ (քորով կամ առանց դրա):

- Մաշկային միկոզների և կանդիդոզի դեպքում: Դեղը քսել օրը մեկ անգամ ախտահարված մաշկի մակերեսին և հարակից հատվածներին՝ մանրակրկիտ մաքրելուց և չորացնելուց հետո: Անհրաժեշտ է ընդգրկել մոտ 1 սմ առողջ մաշկ ախտահարման գոտու եզրերում: Բուժման տևողությունը դերմատոմիկոզների դեպքում կազմում է 2-4 շաբաթ (անհրաժեշտության դեպքում՝ մինչև 8 շաբաթ), կանդիդոզի դեպքում՝ 4 շաբաթ: - Եղունգների ախտահարումների (օնիխոմիկոզներ) դեպքում: Դեղը առաջին անգամ կիրառելուց առաջ մկրատով և եղունգի խարտոցով հնարավորինս հեռացնել եղունգի ախտահարված մասը: Դեղը կիրառել օրը 2 անգամ: Օնիխոմիկոզների բուժման տևողությունը կարող է հասնել 6 ամսի: Վարակի կրկնությունները կանխելու համար պետք է շարունակել դեղը կիրառել կլինիկական ախտանիշների անհետացումից հետո ևս առնվազն 2 շաբաթ:

- Գերզգայունություն նաֆտիֆինի կամ պրոպիլենգլիկոլի նկատմամբ: - Հղիություն և կրծքով կերակրման շրջան (տվյալ կատեգորիայի պացիենտների մոտ դեղի անվտանգությունն ու արդյունավետությունը չի ուսումնասիրվել, կիրառումը խորհուրդ չի տրվում): - Հակացուցված է դեղը քսել վերքային մակերեսին: - Չի խորհուրդ տրվում կիրառել երեխաների մոտ (կլինիկական կիրառման փորձը սահմանափակ է):

Պահել 25 աստիճան C-ից ոչ բարձր ջերմաստիճանում՝ օրիգինալ փաթեթավորմամբ (շիշը ստվարաթղթե տուփում): Պահել երեխաների համար անհասանելի վայրում: