Ֆլավամեդ օշարակ 15մգ/5մլ - 100մլ

Դեղը ընդունել ուտելուց հետո, օգտագործելով չափիչ գդալը: Կիրառման տևողությունը սահմանվում է անհատապես՝ կախված ցուցումներից և հիվանդության ընթացքից: Առանց բժշկի նշանակման Ֆլավամեդ-ը չպետք է ընդունել ավելի քան 4-5 օր:

- Մինչև 2 տարեկան երեխաներին՝ 1/2 չափիչ գդալ (2,5 մլ) Ֆլավամեդ լուծույթ օրական 2 անգամ (որը համապատասխանում է 15 մգ ամբրոքսոլի հիդրոքլորիդի/օր): - 2-ից 5 տարեկան երեխաներին՝ 1/2 չափիչ գդալ (2,5 մլ) Ֆլավամեդ լուծույթ օրական 3 անգամ (որը համապատասխանում է 22,5 մգ ամբրոքսոլի հիդրոքլորիդի/օր): - Մեծահասակներին և 12 տարեկանից բարձր երեխաներին՝ սովորաբար ընդունում են 10 մլ (2 չափիչ գդալ) օրական 3 անգամ առաջին 2-3 օրվա ընթացքում, այնուհետև 10 մլ օրական 2 անգամ:

- Բարձր զգայունություն ամբրոքսոլի կամ դեղամիջոցի այլ բաղադրիչների նկատմամբ: - Ֆրուկտոզայի բնածին անտանելիություն (լուծույթի համար): - Հղիության առաջին եռամսյակում դեղամիջոցի կիրառումը հակացուցված է: - Դեղը պետք է նշանակել զգուշությամբ բրոնխների շարժունակության խանգարման և զգալի քանակությամբ սեկրետի առաջացման դեպքում (օրինակ՝ անշարժ թարթիչների հազվադեպ համախտանիշի դեպքում), երիկամային կամ լյարդային անբավարարության դեպքում, ստամոքսի և տասներկումատնյա աղիքի խոցային հիվանդության դեպքում: - Մինչև 2 տարեկան երեխաներին (լուծույթ) կիրառել բժշկի նշանակմամբ: