Լիդոկաին սրվ 100մգ/մլ-2մլ x 10

Լիդոկաինը I B դասի հակաառիթմիկ միջոց է և տեղային անզգայացնող, ացետանիլիդի ածանցյալ: Դրա հակաառիթմիկ հատկությունները պայմանավորված են մեմբրանա-կայունացնող ակտիվությամբ, նատրիումական անցուղիները արգելափակելու և նեյրոնների ու կարդիոմիոցիտների գրգռվող մեմբրանների թափանցելիությունը մեծացնելու ունակությամբ: Դեղամիջոցը գործնականում չի ազդում նախասրտերի էլեկտրաֆիզիոլոգիական վիճակի վրա, սակայն արագացնում է փորոքների ռեպոլյարիզացիան, ճնշում է Պուրկինյեի թելիկներում IV դեպոլյարիզացիայի փուլը (հատկապես իշեմիզացված միոկարդում)՝ նվազեցնելով դրանց ավտոմատիզմը և գործողության պոտենցիալի տևողությունը, ինչպես նաև մեծացնում է պոտենցիալների նվազագույն տարբերությունը, որի դեպքում կարդիոմիոցիտները արձագանքում են վաղաժամ խթանմանը: Այն նվազեցնում է գործողության պոտենցիալի և արդյունավետ ռեֆրակտեր շրջանի տևողությունը Պուրկինյեի թելիկներում՝ ճնշելով դրանց ավտոմատիզմը: Թերապևտիկ դոզաներում լիդոկաինը բարելավում է հաղորդականությունը Պուրկինյեի թելիկներում և դրանց միացման վայրում փորոքների կծկվող միոկարդի հետ՝ վերացնելով << կրկնակի մուտքի >> (re-entry) երևույթի ձևավորման պայմանները, հատկապես սրտամկանի իշեմիկ վնասվածքի պայմաններում, օրինակ՝ սրտի կաթվածի ժամանակ: Ընդ որում, լիդոկաինը ճնշում է դեպոլյարիզացված կարդիոմիոցիտների էլեկտրական ակտիվությունը: