ԿետոնալԴՈՒՕ դպճ 150մգ x 30

Կետոնալ Դուո պարկուճներ 150մգ x 30: Դեղամիջոցի նկարագրություն Կետոնալ ԴՈՒՈՒ դեղամիջոցը մոդիֆիկացված անջատմամբ պարկուճներ են, որոնք պարունակում են 150 մգ կետոպրոֆեն: Պարկուճներն ունեն թափանցիկ մարմին և կապույտ կափարիչ, իսկ դրանց պարունակությունը բաղկացած է սպիտակ և դեղին գնդիկներից: Կետոպրոֆենը՝ Կետոնալ ԴՈՒՈՒ դեղամիջոցի ակտիվ բաղադրիչը, ոչ ստերոիդային հակաբորբոքային դեղամիջոց է (ՈՍՀԴ): Կիրառում Կետոպրոֆենն ունի հակաբորբոքային, անալգետիկ (ցավազրկող) և ջերմիջեցնող ազդեցություն: Դրա ազդեցության մեխանիզմը կապված է ՑՈԳ-1 և ՑՈԳ-2 ֆերմենտների, ինչպես նաև մասնակիորեն լիպոօքսիգենազի արգելափակման հետ, ինչը հանգեցնում է պրոստագլանդինների սինթեզի ճնշմանը: Կետոպրոֆենը նաև կայունացնում է լիզոսոմային թաղանթները և բացասաբար չի ազդում հոդային աճառի վիճակի վրա: Կետոնալ ԴՈՒՈՒ պարկուճների առանձնահատկությունը ակտիվ նյութի մոդիֆիկացված անջատումն է: Պարկուճները պարունակում են երկու տեսակի գնդիկներ՝ սպիտակ (ընդհանուր քանակի մոտ 60%), որոնցից կետոպրոֆենը արագ է անջատվում, և դեղին (մոտ 40%, պատված թաղանթով), որոնք ապահովում են դանդաղ անջատում: Այս համադրությունը ապահովում է դեղամիջոցի ինչպես արագ, այնպես էլ երկարատև ազդեցություն: Ինչպես ընդունել Ստանդարտ դոզան մեծահասակների և 15 տարեկանից բարձր երեխաների համար կազմում է 150 մգ օրական (մեկ մոդիֆիկացված անջատմամբ պարկուճ): Պարկուճները խորհուրդ է տրվում ընդունել ուտելու ընթացքում կամ հետո՝ առնվազն 100 մլ ջրով կամ կաթով: Կետոպրոֆենի առավելագույն օրական դոզան կազմում է 200 մգ: