Սոմազինա ամպ 500մգ 4մլ x 5

Սոմազինա դեղամիջոցը ցուցված է սուր ինսուլտի և դրա նյարդաբանական հետևանքների, գլխուղեղի վնասվածքի և դրա նյարդաբանական բարդությունների դեպքում: Այն նաև կիրառվում է դեգեներատիվ և անոթային ծագման ուղեղային պաթոլոգիայով պայմանավորված ճանաչողական, զգայական և շարժողական նյարդաբանական խանգարումների ժամանակ:

Սոմազինան կիրառվում է ներերակային (ն/ե) կամ միջմկանային (մ/մ) ներարկման համար: Ներերակային ճանապարհով դեղամիջոցը ներարկվում է դանդաղ ներարկման ձևով (3-5 րոպեի ընթացքում, կախված դոզայից) կամ կաթիլային եղանակով (40-60 կաթիլ մեկ րոպեում): Մեծահասակների համար առաջարկվող օրական դոզան կազմում է 500-2000 մգ, որը որոշվում է հիվանդի վիճակի ծանրությամբ: Առավելագույն օրական դոզան չպետք է գերազանցի 2000 մգ-ը: Սուր և անհետաձգելի վիճակներում առավելագույն թերապևտիկ էֆեկտը ձեռք է բերվում դեղամիջոցի նշանակման դեպքում առաջին 24 ժամվա ընթացքում: Առավելագույն թերապևտիկ էֆեկտի հասնելու համար բուժման առաջարկվող տևողությունը 6 շաբաթ է: Անհրաժեշտության դեպքում բուժումը կարող է շարունակվել դեղամիջոցի՝ ներքին ընդունման լուծույթի ձևով: Դեղամիջոցի նշանակման, դրա դոզավորման և կիրառման եղանակների մասին որոշումը կայացնում է բացառապես բժիշկը:

Սոմազինայի կիրառման հակացուցումներն են. - ալերգիա դեղամիջոցի բաղադրիչներից որևէ մեկի նկատմամբ - պարասիմպաթիկ նյարդային համակարգի (թափառող նյարդի) բարձր տոնուս - ֆրուկտոզայի ժառանգական անտանելիություն - գլյուկոզա-գալակտոզայի մալաբսորբցիա Դեղամիջոցը հակացուցված է հղիության և լակտացիայի շրջանում:

Դեղամիջոցը պետք է պահել լույսից պաշտպանված տեղում՝ ոչ ավելի բարձր, քան 30 աստիճան C ջերմաստիճանում, երեխաների համար անհասանելի վայրում: