Սիլկադերմ նրբաքսուք 15գ

Դեղամիջոցը քսում են օրական 1-2 անգամ մաշկի ախտահարված հատվածի մաքուր, չոր (15-30 րոպեի ընթացքում) մակերեսին շատ բարակ շերտով՝ մատով հավասարաչափ տարածելով: Չպետք է ավելացնել դեղամիջոցի կիրառման հաճախականությունը օրական մեկ անգամից ավելի, քանի որ դա չի արագացնի Սիլկադերմի ազդեցությունը, բայց կարող է մաշկի գրգռում առաջացնել: Եթե մոռացել եք օգտագործել կրեմը, մի՛ կիրառեք կրկնակի դոզա: Կիրառման առաջին օրերին կարող է դիտվել մաշկի անհարմարավետություն, շերտազատում կամ կարմրություն, ինչը մաշկի հարմարվողականությունն է դեղամիջոցին և սովորաբար անցնում է երկու-չորս շաբաթվա ընթացքում: Այս երևույթները կարող են նվազագույնի հասցվել՝ ուշադիր հետևելով ցուցումներին: Որոշ հիվանդների մոտ 3-6 շաբաթ հետո կարող են հայտնվել նոր բծեր (պապուլներ և պուստուլներ), բայց բուժումը պետք է շարունակել: Դրական ազդեցությունը սովորաբար նկատելի է թերապիայի 6-12 շաբաթ հետո, և բուժումը չպետք է դադարեցնել բարելավման առաջին նշանների դեպքում, այլ պետք է շարունակել կանոնավոր կիրառումը, նույնիսկ եթե ակնեն վերահսկվում է:

- Մի օգտագործեք Սիլկադերմ կրեմը, եթե հղի եք կամ պլանավորում եք հղիություն: - Կրծքով կերակրելու ընթացքում Սիլկադերմ կրեմը չի կարելի օգտագործել կրծքի շրջանում՝ երեխայի ուղղակի շփումն ակտիվ բաղադրիչի հետ խուսափելու համար:

Պահել երեխաների համար անհասանելի, խոնավությունից և լույսից պաշտպանված տեղում՝ սենյակային ջերմաստիճանում (15-25 աստիճան C):