Ռոզուլիպ պլյուս դպճ 10մգ/10մգ x 30

Ռոզուլիպ Պլյուս դեղամիջոցը նշանակվում է դիետայի հետ համակցված առաջնային հիպերխոլեստերինեմիա (ներառյալ հետերոզիգոտ ընտանեկան հիպերխոլեստերինեմիա) ունեցող հիվանդներին: Այն նաև նշանակվում է որպես փոխարինող թերապիա այն հիվանդներին, որոնց լիպիդային պրոֆիլը բավարար կերպով վերահսկվել է ռոզուվաստատինի և էզետիմիբի առանձին դեղամիջոցների միաժամանակյա օգտագործմամբ՝ ֆիքսված համակցության համապատասխան դոզաներին համարժեք չափաբաժիններով: Դեղը կիրառվում է արյան մեջ ընդհանուր խոլեստերինի, ''վատ'' խոլեստերինի (ԼՊՆԲ խոլեստերին) և ճարպերի (տրիգլիցերիդներ) մակարդակը իջեցնելու, ինչպես նաև ''օգտակար'' խոլեստերինի (ԼՊԲ խոլեստերին) մակարդակը բարձրացնելու համար: Ռոզուլիպ Պլյուսն օգտագործվում է այն հիվանդների մոտ, որոնց մոտ խոլեստերինի մակարդակը հնարավոր չէ իջեցնել միայն դիետայի միջոցով:

Ռոզուլիպ Պլյուս դեղամիջոցով բուժման ընթացքում հիվանդները պետք է պահպանեն համապատասխան հիպոխոլեստերինեմիկ դիետա: Առաջարկվող օրական դոզան կազմում է 1 պատիճ: Դեղը կարելի է ընդունել անկախ սննդի ընդունման ժամանակից: Դեղատնից բաց է թողնվում բժշկի դեղատոմսով:

- Բարձր զգայունություն դեղամիջոցի ակտիվ նյութերի (ռոզուվաստատին, էզետիմիբ) կամ ցանկացած օժանդակ նյութի նկատմամբ: - Լյարդի ակտիվ հիվանդություն, ներառյալ շիճուկային տրանսամինազների մակարդակի կայուն բարձրացում անհայտ էթիոլոգիայի և շիճուկային տրանսամինազների մակարդակի ցանկացած բարձրացում նորմայի վերին սահմանից երեք և ավելի անգամ: - Երիկամների ֆունկցիայի ծանր խանգարում (կրեատինինի քլիրենսը < 30 մլ/րոպե): - Միոպաթիա: - Ցիկլոսպորինի միաժամանակյա օգտագործում: - Մինչև 18 տարեկան երեխաների և դեռահասների տարիքը: - Հղիություն և կրծքով կերակրման շրջան: - Հակացուցված է վերարտադրողական տարիքի կանանց, ովքեր չեն կիրառում հակաբեղմնավորման արդյունավետ մեթոդներ: