Նուրոֆեն էքսպրես դպճ 200մգ x 8

Մեծահասակներին և 12 տարեկանից բարձր երեխաներին խորհուրդ է տրվում ընդունել 200 մգ (1 պարկուճ) օրական 3-4 անգամ: Դեղի ընդունումների միջև ընդմիջումը պետք է լինի 6-8 ժամ: Մեծահասակների մոտ ավելի արագ թերապևտիկ էֆեկտի հասնելու համար դոզան կարող է ավելացվել:

- Գերզգայունություն իբուպրոֆենի կամ դեղի բաղադրության մեջ մտնող ցանկացած բաղադրիչի նկատմամբ: - Բրոնխիալ ասթմայի, քթի և հարքթային խոռոչների ռեցիդիվ պոլիպոզի և ացետիլսալիցիլաթթվի կամ այլ ոչ ստերոիդային հակաբորբոքային դեղամիջոցների անտանելիության լրիվ կամ մասնակի համադրություն (ներառյալ անամնեզում): - Ստամոքս-աղիքային տրակտի օրգանների էրոզիվ-խոցային հիվանդություններ (ներառյալ ստամոքսի և տասներկումատնյա աղիքի խոցային հիվանդություն, Կրոնի հիվանդություն, խոցային կոլիտ) կամ խոցային արյունահոսություն ակտիվ փուլում կամ անամնեզում (ստամոքսի խոցային հիվանդության կամ խոցային արյունահոսության երկու կամ ավելի հաստատված դրվագ): - Անամնեզում ստամոքս-աղիքային տրակտի խոցի արյունահոսություն կամ պերֆորացիա, որը հրահրվել է ՈՍՀԴ-ների կիրառմամբ: - Սրտային ծանր անբավարարություն (NYHA դասակարգման IV դաս), ապակոմպենսացված սրտային անբավարարություն: - Աորտոկորոնար շունտավորումից հետո ընկած շրջան: - Լյարդի ծանր անբավարարություն կամ լյարդի ակտիվ հիվանդություն: - Երիկամային անբավարարության ծանր աստիճան (կրեատինինի կլիրենս <30 մլ/րոպե), հաստատված հիպերկալիեմիա: - Ցերեբրովասկուլյար կամ այլ արյունահոսություն: - Հեմոֆիլիա և արյան մակարդելիության այլ խանգարումներ (այդ թվում հիպոկոագուլյացիա), հեմոռագիկ դիաթեզներ: - Ֆրուկտոզայի անտանելիություն: - Հղիության III եռամսյակ: - Մինչև 12 տարեկան երեխաներ:

Դեղը պետք է պահել երեխաներին անհասանելի վայրում՝ ոչ բարձր, քան 25 աստիճան C ջերմաստիճանում: