Իբուպրոֆեն դհտ թ/պ 200մգ x 50

Ընդունել ներքին, ջրով. Մեծահասակները և 12 տարեկանից բարձր, 40 կգ-ից ավելի քաշ ունեցող երեխաները ընդունում են 200 մգ օրական 3-4 անգամ. Ավելի արագ ազդեցության համար մեծահասակների միանվագ դեղաչափը կարող է բարձրացվել մինչև 400 մգ, օրական 3 անգամ. Առավելագույն օրական դեղաչափը 1200 մգ է. 12-17 տարեկանների համար առավելագույն օրական դեղաչափը 1000 մգ է. 6-12 տարեկան, 20 կգ-ից ավելի քաշ ունեցող երեխաներին ընդունել 200 մգ օրական առավելագույնը 4 անգամ, ընդունումների միջև առնվազն 6 ժամ ընդմիջումով. Եթե ախտանշանները պահպանվում են 2-3 օր, դադարեցնել բուժումը և դիմել բժշկի.

Իբուպրոֆենի, դեղամիջոցի բաղադրիչների, ացետիլսալիցիլաթթվի կամ այլ ոչ ստերոիդային հակաբորբոքային դեղամիջոցների նկատմամբ գերզգայունություն. Ստամոքսաղիքային տրակտի էրոզիվ խոցային ախտահարումներ, ստամոքսի և տասներկումատնյա աղու խոց, Քրոնի հիվանդություն կամ խոցային կոլիտ. Արյունահոսություններ, արյան մակարդման և արյունաստեղծման խանգարումներ, հաստատված հիպերկալիեմիա. Սրտի, լյարդի կամ երիկամների ծանր անբավարարություն, երիկամների պրոգրեսիվ հիվանդություն, փսխման, փորլուծության կամ հեղուկի անբավարար ընդունման հետ կապված ծանր ջրազրկում. Տեսողական նյարդի հիվանդություններ, գունային տեսողության խանգարում, ամբլիոպիա, սկոտոմա. Հղիության երրորդ եռամսյակ, մինչև 6 տարեկան կամ 20 կգ-ից ցածր քաշ ունեցող երեխաներ. Լսողության նվազում, վեստիբուլյար ապարատի ախտահարումներ, աորտոկորոնար շունտավորման ժամանակահատված, չկառավարվող զարկերակային գերճնշում, հաստատված սրտի իշեմիկ հիվանդություն, ծայրամասային զարկերակների և գլխուղեղի անոթների հիվանդություններ.

Պահել չոր, լույսից պաշտպանված վայրում, 30 աստիճան Ցելսիուսից ոչ բարձր ջերմաստիճանում. Պահել երեխաների համար անհասանելի տեղում.