Լոպերամիդ հ/ք դպճ 2մգ x 10

Դեղը ընդունվում է ներքին: - Մեծահասակներին: Սուր փորլուծության դեպքում սկզբնական դոզան կազմում է 4 մգ, այնուհետև 2 մգ՝ յուրաքանչյուր հեղուկ կղանքից հետո: Քրոնիկ փորլուծության դեպքում սկզբնական դոզան՝ 2 մգ/օր, այնուհետև դոզան ընտրվում է այնպես, որ կղանքի հաճախականությունը լինի օրը 1-2 անգամ (միջինը 2-12 մգ/օր): Մեծահասակների համար առավելագույն օրական դոզան՝ 16 մգ: - 6 տարեկանից բարձր երեխաներին: Սուր փորլուծության դեպքում՝ 2 մգ՝ յուրաքանչյուր հեղուկ կղանքից հետո: Քրոնիկ փորլուծության դեպքում՝ 2 մգ/օր: Երեխաների համար առավելագույն օրական դոզան՝ 6 մգ 20 կգ մարմնի քաշի համար: Եթե Լոպերամիդի օգտագործումից 2 օր հետո ազդեցություն չկա, անհրաժեշտ է դիմել բժշկի: Եթե բուժման ընթացքում առաջանում են փորկապություն կամ որովայնի փքվածություն, դեղը պետք է դադարեցնել:

Լոպերամիդը հակացուցված է աղիքային անանցանելիության, փորկապության, որովայնի փքվածության, սուբիլեուսի դեպքում: Այն չի կարելի կիրառել սուր դիզենտերիայի (որպես մոնոթերապիա), սուր խոցային կոլիտի, լայն սպեկտրի հակաբիոտիկների օգտագործման հետևանքով առաջացած պսևդոմեմբրանոզ կոլիտի դեպքում: Հակացուցված է նաև մինչև 4 տարեկան երեխաներին, հղիության I եռամսյակում և լոպերամիդի նկատմամբ գերզգայունության դեպքում: Կրծքով կերակրման շրջանում ընդունումը խորհուրդ չի տրվում: