Կո-Վամլոսետ դհտ 5մգ /160մգ/12,5մգ x 30

Կո-Վամլոսետ դեղամիջոցը ընդունում են ներքին ընդունմամբ, փոքր քանակությամբ ջրով, օրական 1 անգամ, անկախ սննդի ընդունումից: Առաջարկվող օրական դեղաչափը կազմում է 1 հաբ Կո-Վամլոսետ, որը պարունակում է ամլոդիպին + վալսարտան + հիդրոքլորոթիազիդ 5 մգ + 160 մգ + 12,5 մգ դեղաչափով: Սկզբնական դեղաչափի կարգավորում չի պահանջվում երիկամների ֆունկցիայի թեթև և չափավոր խանգարումներ ունեցող պացիենտների համար (գլոմերուլային ֆիլտրացիայի արագությունը > 30 մլ/րոպե/1,73 մ^2 մարմնի մակերեսի, բայց < 90 մլ/րոպե/1,73 մ^2 մարմնի մակերեսի):

Կո-Վամլոսետ դեղամիջոցը հակացուցված է հետևյալ դեպքերում: - Բարձր զգայունություն ամլոդիպինի, վալսարտանի, հիդրոքլորոթիազիդի, սուլֆոնամիդի և դիհիդրոպիրիդինային շարքի այլ ածանցյալների, ինչպես նաև դեղամիջոցի այլ օժանդակ բաղադրիչների նկատմամբ: - Ժառանգական անգիոնևրոտիկ այտուց կամ այտուց՝ անգիոտենզին II ընկալիչների անտագոնիստներով (ԱՌԱ II) նախորդող թերապիայի ֆոնին: - Հղիություն, հղիության պլանավորում և կրծքով կերակրման շրջան: - Լյարդի ֆունկցիայի ծանր խանգարումներ (ավելի քան 9 միավոր Չայլդ-Պյու սանդղակով), լեղածորանային ցիռոզ և խոլեստազ: - Երիկամների ֆունկցիայի ծանր խանգարումներ (կրեատինինի քլիրենսը < 30 մլ/րոպե), անուրիա, ինչպես նաև հեմոդիալիզի ենթարկվող պացիենտների մոտ: - Ռեֆրակտերային (բուժմանը չենթարկվող) հիպոկալեմիա, հիպոնատրեմիա, հիպերկալցեմիա, ինչպես նաև հիպերուրիկեմիա՝ կլինիկական դրսևորումներով: - Մինչև 18 տարեկան (արդյունավետությունը և անվտանգությունը հաստատված չեն):