Դոլեքս սրվ. մ/մ 75մգ/2մլ x 5

ԴոլԵքս դեղամիջոցը նախատեսված է բացառապես ներմկանային ներարկման համար: Միանվագ դեղաչափը կազմում է 2 մլ: Մեծահասակներին դեղամիջոցը ներարկվում է խորը ներմկանային, հետույքի մկանների վերին արտաքին քառորդի մեջ 2 մլ (75 մգ դիկլոֆենակ նատրիում) օրը մեկ անգամ: Ծանր դեպքերում, օրինակ, երիկամային կոլիկի ժամանակ, հնարավոր է դեղամիջոցը նշանակել օրը երկու անգամ (յուրաքանչյուրը 2 մլ) առնվազն 12 ժամ ընդմիջումով, ընդ որում խորհուրդ է տրվում փոխել ներարկման տեղը:

- Գերզգայունություն դեղամիջոցի ակտիվ նյութերի (դիկլոֆենակ նատրիում, լիդոկաինի հիդրոքլորիդ) կամ այլ բաղադրիչների նկատմամբ: - Ալերգիկ ռեակցիա այլ ՈՍՀԴ-ների նկատմամբ (օրինակ՝ ացետիլսալիցիլաթթու), որը կարող է դրսևորվել ասթմայով, եղնջացանով, սուր ռինիտով կամ այլ ալերգիկ ախտանիշներով: - Ստամոքսի կամ աղիքների ակտիվ խոց, արյունահոսություն կամ պերֆորացիա: - Անամնեզում ՈՍՀԴ-ների ընդունման հետ կապված ստամոքս-աղիքային արյունահոսություն կամ պերֆորացիա: - Լյարդի անբավարարություն: - Երիկամային անբավարարություն: - Սրտի ծանր անբավարարություն, սրտի իշեմիկ հիվանդություն, ուղեղի անոթային հիվանդություններ կամ ծայրամասային զարկերակային հիվանդություններ: - Հետվիրահատական արյունահոսությունների, հեմոստազի և արյան մակարդման խանգարումների, արյունաստեղծման խանգարումների կամ ուղեղի անոթային արյունահոսությունների զարգացման բարձր ռիսկ ունեցող հիվանդներ: - Հետվիրահատական ցավի բուժում կորոնար շունտավորման վիրահատությունից հետո (կամ արհեստական արյան շրջանառության ապարատի կիրառում): - Անամնեզում լիդոկաինի կիրառման հետևանքով առաջացած ցնցումային նոպաներ: - Հղիության և կրծքով կերակրման շրջան: - Մանկական տարիք:

Պահել 25 աստիճան C-ից ոչ բարձր ջերմաստիճանում: Պահել երեխաների համար անհասանելի վայրում: