Երիցուկի հանուկ 120մլ

Երիցուկի էքստրակտը ունի հակամանրէային, հակաբորբոքային, հակաալերգիկ և ցավազրկող ազդեցություն: Այն մեղմ սպազմոլիտիկ ազդեցություն է ունենում ստամոքս-աղիքային տրակտի վրա, խթանում է լեղու արտազատումը և մարսողական գեղձերի սեկրետոր գործունեությունը: Հանդիսանում է բնական հակասեպտիկ: Կիրառվում է տարբեր ծագման ստամոքս-աղիքային տրակտի լորձաթաղանթի բորբոքման, միզասեռական համակարգի, թարախային վերքերի, այրվածքների, մաշկի բորբոքային հիվանդությունների բուժման համար (այդ թվում՝ միջատների խայթոցներով պայմանավորված), կոնյուկտիվիտի, ռինիտի (հարբուխի), սուր և քրոնիկական օտիտի (միջին ականջի բորբոքային պրոցեսի) դեպքում: Ներքին ընդունման համար ցուցված է գաստրիտների, դուոդենիտների, ստամոքսի և տասներկումատնյա աղիքի խոցային հիվանդությունների, էնտերոկոլիտների, մետեորիզմի դեպքում: Միկրոհոգնաների տեսքով օգտագործվում է սպաստիկ կոլիտների, թութքի դեպքում: Տեղային կիրառման համար արդյունավետ է ԼՕՌ-օրգանների և բերանի խոռոչի վարակա-բորբոքային հիվանդությունների (ֆարինգիտներ, տոնզիլիտներ, օտիտներ, ստոմատիտներ, գինգիվիտներ), ինչպես նաև միզասեռական համակարգի վարակա-բորբոքային հիվանդությունների դեպքում: Արտաքինից կիրառվում է դերմատիտների և տրոֆիկ խոցերի դեպքում: