Եզիսպակի հանուկ 120մլ

Եղեսպակի էքստրակտը օժտված է հզոր հակասեպտիկ, հակաբորբոքային, հակափտածային, միզամուղ, քամահակ և կապող ազդեցությամբ: Այն նաև իջեցնում է արյան գլյուկոզայի մակարդակը և խթանում ստամոքսի հյութի արտազատումը: Արտաքինից կիրառվում է բերանի և կոկորդի ողողումների համար ֆլյուսների, անգինաների, ստոմատիտների, ֆարինգիտների դեպքում, ինչպես նաև թարախային վերքերի, այրվածքների, տրոֆիկ խոցերի և էկզեմայի ժամանակ: Եղեսպակի փաթաթումներն արդյունավետ են պոլիարթրիտների, արթրոզների, օստեոխոնդրոզի, ռադիկուլիտների, միոզիտների և նևրիտների դեպքում: Ներքին ընդունման համար էքստրակտը կիրառվում է ստամոքս-աղիքային տրակտի հիվանդությունների դեպքում, ինչպիսիք են գաստրիտները՝ ցածր թթվայնությամբ, ստամոքսի և տասներկումատնյա աղիքի խոցային հիվանդությունը, լեղուղիների դիսկինեզիան, սուր և քրոնիկական կոլիտները, որովայնի փքվածությունը, ինչպես նաև շաքարային դիաբետի ժամանակ: Այն նաև արդյունավետ է շնչուղիների հիվանդությունների դեպքում՝ որպես խորխաբեր և հակամանրէային միջոց (կոկային վարակների և տուբերկուլյոզի ցուպիկի նկատմամբ) և միզուղիների համակցված վարակների դեպքում: