Ֆլեմոքսին դհտ տարրալուծ 500մգ x 20

Կիրառում Դեղամիջոցը նախատեսված է զգայուն միկրոօրգանիզմներով պայմանավորված վարակների բուժման համար, այդ թվում՝ - Սուր բակտերիալ սինուսիտ. - Սուր միջին օտիտ. - Սուր ստրեպտոկոկային տոնզիլիտ և ֆարինգիտ. - Քրոնիկ բրոնխիտի սրացում. - Համայնքային թոքաբորբ. - Սուր ցիստիտ. - Ասիմպտոմատիկ բակտերիուրիա հղիության ընթացքում. - Սուր պիելոնեֆրիտ. - Որովայնային տիֆ և պարատիֆ. Ինչպես ընդունել Ֆլեմոքսին Սոլյուտաբը ընդունվում է ներքին՝ անկախ սննդի ընդունումից: Հաբը կարելի է կուլ տալ ամբողջությամբ, բաժանել մասերի, ծամել՝ ջրով խմելով, կամ լուծել ջրում (առնվազն 50 մլ)՝ օշարակ կամ սուսպենզիա ստանալու համար: Դեղաչափը սահմանվում է անհատապես՝ կախված հիվանդության ծանրությունից, հարուցչի զգայունությունից, հիվանդի տարիքից և մարմնի քաշից, ինչպես նաև երիկամների ֆունկցիայից: Մեծահասակների և 10 տարեկանից բարձր երեխաների համար (մարմնի քաշը՝ ավելի քան 40 կգ) մեկանգամյա դեղաչափը կազմում է 250-500 մգ, ծանր դեպքերում՝ մինչև 1 գ: Միջին ծանրության վարակների դեպքում մեծահասակներին խորհուրդ է տրվում 500-750 մգ օրական 2 անգամ կամ 500 մգ օրական 3 անգամ: Հակացուցումներ Գերզգայունություն ամոքսիցիլինի, այլ պենիցիլինների կամ դեղամիջոցի որևէ այլ բաղադրիչի նկատմամբ: Անամնեզում այլ բետա-լակտամային հակաբիոտիկների (օրինակ՝ ցեֆալոսպորինների, կարբապենեմների կամ մոնոբակտամների) նկատմամբ անհապաղ տիպի ծանր գերզգայունության ռեակցիաներ: