Տեբանտին դպճ 300մգ x 100

<< Տեբանտին >> -ը նշանակվում է ներքին ընդունման համար՝ անկախ սննդի ընդունումից կամ սննդի հետ միասին: Պատիճները պետք է ընդունել չծամելով, բավարար քանակությամբ հեղուկով: Երեք անգամյա ընդունման դեպքում անհրաժեշտ է հաշվի առնել, որ երկու դեղաչափերի միջև ժամանակը չպետք է գերազանցի 12 ժամը: Արդյունավետ դեղաչափը կազմում է օրական 900-ից 3600 մգ: Բժիշկը կարող է խորհուրդ տալ սկսել թերապիան՝ աստիճանաբար բարձրացնելով դեղաչափը, կամ անմիջապես օրական 300 մգ 3 անգամ: 5 տարեկանից բարձր երեխաների մոտ գաբապենտինի արդյունավետ դեղաչափը կազմում է 25-35 մգ/կգ/օր՝ հավասար դեղաչափերով 3 անգամ: 3-ից 5 տարեկան երեխաների մոտ արդյունավետ դեղաչափը կազմում է 40 մգ/կգ/օր՝ հավասար դեղաչափերով 3 անգամ:

<< Տեբանտին >> դեղամիջոցը հակացուցված է գաբապենտինի կամ դեղամիջոցի ցանկացած այլ բաղադրիչի նկատմամբ գերզգայունության դեպքում: Հակացուցումներ են նաև սուր պանկրեատիտը, մոնոթերապիան 3-ից 12 տարեկան երեխաների մոտ, 3 տարեկանից փոքր երեխաների տարիքը և լակտացիայի շրջանը: Զգուշություն պետք է ցուցաբերել լակտազի անբավարարության, լակտոզայի անտանելիության և գլյուկոզ-գալակտոզային մալաբսորբցիայի դեպքում, քանի որ դեղամիջոցի դեղաչափային ձևը պարունակում է լակտոզա:

Դեղամիջոցը պետք է պահել երեխաների համար անհասանելի վայրում՝ ոչ բարձր, քան 25 աստիճան C ջերմաստիճանում: