Բժշկական սպիրտ 70%-100մլ

Էթիլ սպիրտ 70%-ը կիրառվում է որպես հականեխիչ և ախտահանող միջոց արտաքին օգտագործման համար: Այն օգտագործվում է մաշկի ախտահանման, ինչպես նաև դեղաձևերի պատրաստման համար: Ցուցված է նաև տեղային կիրառման համար՝ մաշկի վարակիչ բնույթի բորբոքումների (ֆուրունկուլների սկզբնական փուլեր, պարոնիխիա, մաստիտ) թերապիայի ժամանակ, ջլերի և հոդերի բորբոքումների դեպքում շփումների և կոմպրեսների համար: Այն օգտագործվում է մաշկի մշակման համար՝ ներարկումներից առաջ, մաշկի մակերեսային վնասվածքների, կապտուկների, քերծվածքների, միջատների խայթոցների դեպքում: Էթիլ սպիրտ 70%-ը կիրառվում է բուժանձնակազմի ձեռքերի մշակման համար՝ այլ հակասեպտիկների նկատմամբ ալերգիա ունեցող դեպքերում, ինչպես նաև վիրաբույժների ձեռքերի և մաշկի մշակման համար՝ վիրահատությունների նախապատրաստման ժամանակ՝ այլ հակասեպտիկների նկատմամբ ալերգիա ունեցող մարդկանց մոտ, և երեխաների ու մեծահասակների մոտ բարակ մաշկ ունեցող հատվածներում (պարանոց, դեմք) կատարվող վիրահատությունների ժամանակ: Կարող է օգտագործվել որպես տեղային գրգռող միջոց: