Ռիբոքսին դհտ 200մգ x 50

Ռիբոքսինը մեծահասակներին նշանակվում է ներքին ընդունման համար, ուտելուց առաջ: Ներքին ընդունման օրական դոզան կազմում է 0.6-2.4 գ: Բուժման առաջին օրերին օրական դոզան կազմում է 0.6-0.8 գ (200 մգ օրական 3-4 անգամ): Լավ տանելիության դեպքում դոզան բարձրացնում են (2-3-րդ օրը) մինչև 1.2 գ (0.4 գ օրական 3 անգամ), անհրաժեշտության դեպքում՝ մինչև 2.4 գ օրական: Բուժման կուրսի տևողությունը կազմում է 4 շաբաթից մինչև 1.5-3 ամիս:

Դեղամիջոցի նկատմամբ գերզգայունությունը, հոդատապը, հիպերուրիկեմիան հանդիսանում են Ռիբոքսինի օգտագործման հակացուցումներ: Հակացուցումներ են նաև ֆրուկտոզայի անտանելիությունը, գլյուկոզայի/գալակտոզայի ներծծման խանգարման համախտանիշը կամ սախարազա/իզոմալտազա դեֆիցիտը: Դեղը հակացուցված է հղիության և կրծքով կերակրելու շրջանում, ինչպես նաև մինչև 18 տարեկան երեխաների համար, քանի որ արդյունավետությունը և անվտանգությունը հաստատված չեն այս տարիքային խմբի համար: Զգուշությամբ պետք է կիրառել երիկամային անբավարարության և շաքարային դիաբետի դեպքում:

Դեղը պետք է պահել չոր, լույսից պաշտպանված տեղում՝ ոչ ավելի բարձր, քան 25 աստիճան C ջերմաստիճանում: Պահել երեխաների համար անհասանելի վայրում: Պահպանման ժամկետը կազմում է 3 տարի: Չօգտագործել փաթեթի վրա նշված պահպանման ժամկետից հետո: