Օկրեվուս ֆլ 300մգ/10մլ x 1

Օկրևուս դեղամիջոցը ներերակային է ներարկվում ինֆուզիայի տեսքով՝ առանձին կատետերի միջոցով: Չի կարելի ներարկել շիթային կամ բոլյուսային եղանակով: Ինֆուզիոն ռեակցիաների կանխարգելման համար անցկացվում է նախադեղորայքային բուժում, օրինակ՝ 100 մգ մեթիլպրեդնիզոլոն ներերակային՝ յուրաքանչյուր ներարկումից մոտ 30 րոպե առաջ: Սկզբնական դոզան ներարկվում է երկու առանձին ներերակային ինֆուզիաների տեսքով. առաջին ինֆուզիայի ժամանակ ներարկվում է 300 մգ, այնուհետև 2 շաբաթ անց՝ ևս 300 մգ: Եթե հիվանդի մոտ նախորդ ինֆուզիաներից որևէ մեկի ընթացքում լուրջ ինֆուզիոն ռեակցիա չի առաջացել, ապա հետագա դոզաների ներարկման ժամանակ ինֆուզիայի տևողությունը կարող է կրճատվել մինչև 2 ժամ:

Օկրևուս դեղամիջոցի օգտագործումը հակացուցված է հղիության և կրծքով կերակրման շրջանում: Հակացուցումներ են նաև գերզգայունությունը ակտիվ նյութի կամ օժանդակ նյութերից որևէ մեկի նկատմամբ, ակտիվ վարակիչ գործընթացը, ծանր իմունոդեֆիցիտային վիճակը և հայտնի ակտիվ չարորակ նորագոյացությունները:

Պահել 2-ից 8 աստիճան C ջերմաստիճանում, ստվարաթղթե տուփում՝ լույսից պաշտպանելու համար: Պահել երեխաների համար անհասանելի վայրում: Չսառեցնել: Նոսրացված լուծույթը խորհուրդ է տրվում օգտագործել անմիջապես. եթե դա հնարավոր չէ, ապա մինչև օգտագործումը պահպանման ժամկետները և պայմանները կախված են բուժաշխատողից և, որպես կանոն, չպետք է գերազանցեն 24 ժամը 2-8 աստիճան C ջերմաստիճանում և 8 ժամը սենյակային ջերմաստիճանում: