Նյուկոֆեն դհտ x 200

Ցավային համախտանիշի (այդ թվում բորբոքային ծագման) և տենդային վիճակների, ինչպես նաև ռևմատիկ հիվանդությունների թեթևացման համար մեծահասակների միանվագ դոզան կազմում է 1 հաբ, օրական՝ մինչև 6 հաբ: Ցավը մեղմելու համար խորհուրդ է տրվում ընդունել 2 հաբ մեկանգամյա: Անհրաժեշտության դեպքում առաջարկվող միանվագ դոզան կարելի է կրկնել յուրաքանչյուր 4-6 ժամը մեկ, բայց ոչ ավելի, քան օրական 4 անգամ: Տենդի սիմպտոմատիկ բուժման համար ընդունման տևողությունը ոչ ավելի, քան 3 օր է, ցավի դեպքում՝ ոչ ավելի, քան 5 օր:

Դեղը հակացուցված է կիրառման համար հետևյալ դեպքերում. - գերզգայունություն դեղի բաղադրիչների նկատմամբ - ստամոքս-աղիքային տրակտի էրոզիվ-խոցային ախտահարումներ սրացման փուլում - ստամոքս-աղիքային արյունահոսություններ - արյան մակարդելիության խանգարումներ (հեմոֆիլիա, հիպոպրոթրոմբինեմիա) - լյարդի կամ երիկամների ֆունկցիայի արտահայտված խանգարումներ - բրոնխիալ ասթմա, եղնջացան, ռինիտ, որոնք առաջացել են ացետիլսալիցիլաթթվի կամ այլ ոչ ստերոիդային հակաբորբոքային դեղերի ընդունման հետևանքով - հղիություն և կրծքով կերակրման շրջան - մինչև 15 տարեկան մանկական տարիք (վիրուսային ծագման տենդով երեխաների մոտ Ռեյեի համախտանիշի զարգացման ռիսկի պատճառով) - զարկերակային հիպերտենզիա - գլաուկոմա - վիրահատական միջամտություններ, որոնք ուղեկցվում են արյունահոսությամբ