Նիֆուրոմեդ կախույթ 220մգ/5մլ 100մլ բանանի համով

Նիֆուրոմեդ կախույթը կիրառվում է դեղամիջոցի նկատմամբ զգայուն ինֆեկցիայով պայմանավորված լուծի բուժման, ինչպես նաև քրոնիկ կոլիտների և էնտերոկոլիտների համալիր թերապիայի համար:

Դեղամիջոցը նախատեսված է բերանային կիրառման համար: Օգտագործելուց առաջ սրվակը պետք է լավ թափահարել մինչև միատարր կախույթ ստանալը: Խորհուրդ է տրվում դեղամիջոցն ընդունել հավասարաչափ ժամանակահատվածներում՝ անկախ սննդի ընդունումից: Բուժման կուրսը կազմում է 5-7 օր:

- Մեծահասակներին՝ 5 մլ, օրական 4 անգամ: - 2-ից մինչև 6 ամսական երեխաներին՝ 2.5 մլ, օրական 2 անգամ: - 6 ամսականից մինչև 6 տարեկան երեխաներին՝ 5 մլ, օրական 3 անգամ: - 6 տարեկանից բարձր երեխաներին՝ 5 մլ, օրական 4 անգամ: Լուծի բուժման ժամանակ Նիֆուրոմեդ թերապիայի հետ միաժամանակ անհրաժեշտ է իրականացնել ռեհիդրատացիոն թերապիա (մեծահասակների համար՝ մոտ 2 լիտր հեղուկ օրական): Դեղամիջոցը կիրառվում է սննդակարգի պարտադիր պահպանմամբ, որը բացառում է հյութերը, հում բանջարեղենն ու մրգերը, ինչպես նաև կծու և դժվարամարս սնունդը: Մինչև կախույթը մանկահասակներին նշանակելը անհրաժեշտ է բացառել սախարոզան քայքայող ֆերմենտների բնածին դեֆիցիտը:

Դեղամիջոցը հակացուցված է դրա բաղադրիչներից որևէ մեկի նկատմամբ գերզգայունության, ինչպես նաև 5-նիտրոֆուրանի ածանցյալների նկատմամբ ալերգիայի դեպքում: Հակացուցված է մինչև 2 ամսական երեխաներին և անհաս նորածիններին: