Մելասոն դհտ 3մգ x 30

Մելասոնը ընդունում են ներքին, օրական մեկ անգամ 1.5-3 մգ դոզայով՝ քնելուց 30-40 րոպե առաջ: Առավելագույն օրական դոզան կազմում է 6 մգ, իսկ ընդունման հաճախականությունը սահմանվում է անհատապես: - Քնի խանգարումների դեպքում խորհուրդ է տրվում ընդունել 1 հաբ (3 մգ) օրական մեկ անգամ՝ քնելուց 30-40 րոպե առաջ, ընդունման տևողությունը որոշվում է բժշկի կողմից, բայց չպետք է գերազանցի 13 շաբաթը: - Ժամային գոտիների փոփոխության դեպքում, որպես ադապտոգեն, ընդունում են 1 հաբ՝ քնելուց 30-40 րոպե առաջ՝ թռիչքից 1 օր առաջ և հաջորդ 2-5 օրվա ընթացքում: Առավելագույն օրական դոզան այս դեպքում կազմում է մինչև 2 հաբ: Դեղը չպետք է ընդունել սննդի հետ միասին, քանի որ սնունդը դանդաղեցնում է մելատոնինի ազդեցությունը: Մելասոնով բուժման ընթացքում խորհուրդ չի տրվում օգտագործել ալկոհոլ, քանի որ այն նվազեցնում է մելատոնինի արդյունավետությունը:

Մելասոնը հակացուցված է մելատոնինի կամ դեղամիջոցի օժանդակ բաղադրիչների նկատմամբ գերզգայունության դեպքում: Հակացուցումներին են դասվում նաև: - ալերգիկ հիվանդություններ - լիմֆոմա - աուտոիմուն հիվանդություններ - լիմֆոգրանուլեմատոզ - լեյկոզ - միելոմա - էպիլեպսիա - շաքարային դիաբետ - քրոնիկ երիկամային անբավարարություն (կամ երիկամների ֆունկցիայի արտահայտված խանգարում) Դեղը հակացուցված է հղիության և կրծքով կերակրման շրջանում: Խորհուրդ չի տրվում կիրառել Մելասոնը հղիություն պլանավորող կանանց, քանի որ այն ունի թույլ հակաբեղմնավորիչ ազդեցություն: Դեղը հակացուցված է նաև մինչև 18 տարեկան երեխաներին: