Քսեֆոկամ դհտ 8մգ x 10

Քսեֆոկամ թաղանթապատ հաբերը չպետք է ընդունել սննդի հետ, եթե պահանջվում է դեղամիջոցի արագ ազդեցություն (ցավի մեղմացում), քանի որ սննդի հետ ընդունումը կարող է մոտ 20%-ով նվազեցնել լորնոքսիկամի ներծծումը և մեծացնել առավելագույն կոնցենտրացիայի հասնելու ժամանակը (Tmax): Երիկամների ֆունկցիայի թեթև կամ չափավոր խանգարումներ ունեցող պացիենտների մոտ խորհուրդ է տրվում նվազեցնել Քսեֆոկամ ռապիդ դեղամիջոցի ընդունման հաճախականությունը մինչև օրական 1 անգամ:

Քսեֆոկամը հակացուցված է հետևյալ պայմաններում. - Գերզգայունություն լորնոքսիկամի կամ օժանդակ նյութերից որևէ մեկի նկատմամբ: - Բրոնխիալ ասթմայի, քթի կամ քթի հարակից խոռոչների ռեցիդիվող պոլիպոզի, ռինիտի, անգիոնևրոտիկ այտուցի, եղնջացանի և ացետիլսալիցիլաթթվի ու այլ ՈՍՀԴ-ների (այդ թվում՝ անամնեզում) անտանելիության լրիվ կամ ոչ լրիվ համակցություն: - Ակտիվ պեպտիկ խոց կամ ռեցիդիվող պեպտիկ խոց անամնեզում: - Աղիքի բորբոքային հիվանդություններ (Կրոնի հիվանդություն, ոչ սպեցիֆիկ խոցային կոլիտ) սրացման փուլում: - Ծանր լյարդային անբավարարություն: - Արտահայտված երիկամային անբավարարություն (շիճուկային կրեատինինի մակարդակը ավելի քան 700 մկմոլ/լ), երիկամների պրոգրեսիվող հիվանդություններ, հաստատված հիպերկալիեմիա: - Թրոմբոցիտոպենիա: - Հեմոռագիկ դիաթեզ կամ արյան մակարդելիության խանգարումներ, ինչպես նաև այն պացիենտներին, ովքեր վիրահատություն են տարել՝ կապված արյունահոսության կամ ոչ լրիվ հեմոստազի ռիսկի հետ: - Հղիություն և կրծքով կերակրման շրջան: - Մինչև 18 տարեկան տարիք (անբավարար կլինիկական փորձի պատճառով):

Դեղամիջոցը պետք է պահել սենյակային ջերմաստիճանում: