Վաղենակի ոգեթուրմ 30մլ

Կալենդուլայի թուրմը տեղայինորեն կիրառվում է որպես հականեխիչ և հակաբորբոքային միջոց վարակված (թարախային) վերքերի, այրվածքների, մաշկի կտրվածքների դեպքում: Այն օգտագործվում է նաև բերանի խոռոչի լորձաթաղանթի, լնդերի (ստոմատիտ, գինգիվիտ), կոկորդի, նշիկների (անգինա, ֆարինգիտ) բորբոքման դեպքում: Ներքին ընդունման համար կալենդուլայի թուրմը կիրառվում է խոլեցիստիտի և խոլանգիտի համալիր թերապիայի մեջ:

Կիրառվում է տեղայինորեն, արտաքինից: Մաշկի մակերեսային վնասվածքներով հատվածները (կտրվածքներ) մշակվում են թուրմով՝ բամբակյա շվաբրի միջոցով: Կապտուկների և էկզեմայի դեպքում կիրառվում է թուրմի ջրային լուծույթ (1 թեյի գդալ մեկ բաժակ ջրի մեջ) կոմպրեսների տեսքով: Կոկորդը և բերանի խոռոչի լորձաթաղանթը ողողելու համար օգտագործվում է թուրմի ջրային լուծույթի 1/4-1 բաժակ: Արտաքին և տեղային կիրառման բուժման կուրսը կազմում է 1-2 շաբաթ: Ներքին ընդունման համար ընդունում են ուտելուց 15 րոպե առաջ՝ 10-20 կաթիլ, լուծված 1/4 բաժակ ջրի մեջ, օրը 3 անգամ: Ներքին ընդունման բուժման կուրսը կազմում է 3-4 շաբաթ:

- Գերզգայունություն դեղամիջոցի բաղադրիչների, ինչպես նաև աստղածաղկազգիների ընտանիքի բույսերի նկատմամբ (օրինակ՝ արնիկա, ամբրոզիա, պիժմա, օշինդր, աստղածաղիկ, քրիզանթեմ): - Ներքին ընդունման համար հակացուցումներն են սուր գաստրիտը, ստամոքսի և տասներկումատնյա աղիքի խոցային հիվանդությունը սրացման շրջանում, կալկուլյոզ խոլեցիստիտը: - Մանկական տարիքը՝ մինչև 6 տարեկան արտաքին կիրառման համար (մաշկային հիվանդությունների դեպքում): - Մինչև 12 տարեկան՝ տեղային կիրառման համար (բերանի խոռոչի և կոկորդի բորբոքային հիվանդությունների դեպքում): - Մինչև 18 տարեկան՝ ներքին ընդունման համար: - Հղիության և կրծքով կերակրման շրջանում պետք է կիրառել միայն բժշկի հետ խորհրդակցելուց հետո, այն դեպքերում, երբ մոր համար ենթադրվող օգուտը գերազանցում է պտղի կամ նորածնի համար հնարավոր ռիսկը:

Պահել ոչ բարձր քան 25 աստիճան C ջերմաստիճանում, երեխաների համար անհասանելի վայրում: Պահելիս թույլատրվում է նստվածքի առաջացում: Պահպանման ժամկետը՝ 3 տարի: