Ամարիլ դհտ 2մգ x 30

Ամարիլ դեղի դոզան որոշվում է անհատապես՝ ելնելով արյան գլյուկոզի թիրախային կոնցենտրացիայից: Պետք է կիրառել նվազագույն դոզան, որը բավարար է անհրաժեշտ մետաբոլիկ վերահսկողության հասնելու համար: Առաջարկվող սկզբնական դոզան օրական 1 մգ գլիմեպիրիդ է: Կախված հիվանդի արձագանքից, դոզան կարող է աստիճանաբար բարձրացվել: Առավելագույն առաջարկվող օրական դոզան կազմում է 6 մգ: Օրական դոզան, որպես կանոն, ընդունվում է մեկ անգամ՝ անմիջապես առատ նախաճաշից առաջ կամ ընթացքում: Եթե օրական դոզան բաց է թողնվել, այն պետք է ընդունել անմիջապես առաջին առատ կերակուրից առաջ կամ ընթացքում: Դեղի ընդունումը բաց թողնելը չպետք է փոխհատուցվի հաջորդող ավելի բարձր դոզայի ընդունմամբ: Ամարիլով բուժման ընթացքում անհրաժեշտ է պարբերաբար վերահսկել արյան գլյուկոզի մակարդակը, ինչպես նաև խորհուրդ է տրվում պարբերաբար վերահսկել գլիկոզիլացված հեմոգլոբինի մակարդակը: Կանոնավոր սննդի բացակայությունը կամ սննդի ընդունման բացթողումը կարող է հանգեցնել հիպոգլիկեմիայի զարգացման:

Ամարիլ դեղը հակացուցված է հետևյալ դեպքերում. - 1-ին տիպի շաքարային դիաբետ: - Դիաբետիկ կետոացիդոզ, դիաբետիկ նախակոմա և կոմա: - Երիկամների ֆունկցիայի ծանր խանգարումներ, ներառյալ հեմոդիալիզի ենթարկվող հիվանդները: - Լյարդի ֆունկցիայի ծանր խանգարումներ (նման դեպքերում հիվանդներին պետք է տեղափոխել ինսուլինային բուժման): - Գլիմեպիրիդի, դեղի ցանկացած օժանդակ նյութի, սուլֆոնիլմիզանյութի այլ ածանցյալների կամ սուլֆանիլամիդային դեղամիջոցների նկատմամբ գերզգայունություն (գերզգայունության ռեակցիաների զարգացման ռիսկի պատճառով): - Հղիություն և կրծքով կերակրման շրջան: - Մինչև 18 տարեկան երեխաների տարիքը՝ կլինիկական կիրառման անբավարար փորձի պատճառով: