Ալոտենդին դհտ 5մգ/10մգ x 30

Ալոտենդին հաբերը նախատեսված են այն հիվանդների համար, որոնց բարձր զարկերակային ճնշումը կարող է պատշաճ կերպով վերահսկվել մոնոկոմպոնենտ դեղերի համատեղ օգտագործմամբ՝ նույն դոզաներով, ինչպես առաջարկվող ֆիքսված համակցություններում: Պլազմայից կիսատրոհման ժամանակահատվածը (10-12 ժամ) ապահովում է 24-ժամյա արդյունավետություն դեղի մեկանգամյա օրական դոզավորումից հետո: Սա ենթադրում է դեղի ընդունում օրը մեկ անգամ:

- Գերզգայունություն ամլոդիպինի, դիհիդրոպիրիդինի ածանցյալների, բիսոպրոլոլի և/կամ ցանկացած օժանդակ նյութի նկատմամբ: - Անկայուն ստենոկարդիա (բացառությամբ Պրինցմետալի ստենոկարդիայի): - Աորտայի արտահայտված ստենոզ: - Սրտի սուր անբավարարություն կամ սրտի անբավարարության դրվագներ, որոնք պահանջում են ինոտրոպ ազդեցություն ունեցող դեղերի ներերակային ներարկում: - Կարդիոգեն շոկ: - ԱՎ-բլոկադա II կամ III աստիճանի (առանց պեյսմեյքերի): - Սինուսային հանգույցի թուլության համախտանիշ: - Սինոատրիալ բլոկադա: - Բրադիկարդիա (սրտի կծկումների հաճախականությունը րոպեում 60 հարվածից պակաս) բուժումը սկսելուց առաջ: - Զարկերակային հիպոտենզիա (սիստոլիկ զարկերակային ճնշումը < 100 մմ ս.ս.): - Ծանր բրոնխիալ ասթմա կամ թոքերի ծանր քրոնիկ օբստրուկտիվ հիվանդություն: - Կոլապս: - Հղիություն: - Լակտացիայի շրջան: - Տարիքը մինչև 18 տարեկան (արդյունավետությունը և անվտանգությունը հաստատված չեն):