Ակտեմրա ֆլ 80մգ/4մլ x 1

Ակտեմրան ներարկվում է ներերակային կաթիլային եղանակով: Մեծահասակներին դեղամիջոցը ներարկվում է 8 մգ/կգ դոզայով՝ առնվազն 1 ժամվա ընթացքում, յուրաքանչյուր 4 շաբաթը մեկ: Խորհուրդ չի տրվում գերազանցել 800 մգ դոզան մեկ ինֆուզիայի համար այն հիվանդների մոտ, ում մարմնի քաշը գերազանցում է 100 կգ-ը: 2 տարեկանից բարձր երեխաների համար դոզան կազմում է 8 մգ/կգ և ներարկվում է 1 անգամ 2-4 շաբաթը մեկ՝ ≥ 30 կգ մարմնի քաշ ունեցող հիվանդների համար, կամ 10-12 մգ/կգ 1 անգամ 2-4 շաբաթը մեկ՝ < 30 կգ մարմնի քաշ ունեցող հիվանդների համար՝ կախված ցուցումներից: Դոզան պետք է հաշվարկվի հիվանդի մարմնի քաշի հիման վրա յուրաքանչյուր ներարկման ժամանակ, և դոզայի փոփոխությունը պետք է հիմնված լինի միայն հիվանդի մարմնի քաշի համապատասխան փոփոխության վրա ժամանակի ընթացքում: Ակտեմրա դեղամիջոցը պետք է նոսրացվի բժշկի կամ բուժքրոջ կողմից ստերիլ 0.9% նատրիումի քլորիդի լուծույթով ասեպտիկ պայմաններում:

Ակտեմրա դեղամիջոցը հակացուցված է տոցիլիզումաբի կամ դեղամիջոցի այլ բաղադրիչների նկատմամբ գերզգայունության դեպքում: Նաև հակացուցում են ակտիվ, ծանր վարակները: Խորհուրդ չի տրվում Ակտեմրա դեղամիջոցի միաժամանակյա կիրառումը ՖՆՕ-alfa ինհիբիտորների հետ կամ հակա-ՖՆՕ հակամարմիններով բուժումից հետո 1 ամսվա ընթացքում, ինչպես նաև այլ կենսաբանական դեղամիջոցների հետ: